Rodavigo recibe o Premio ARDÁN á Excelencia Empresarial de Galicia 2019

RODAVIGO foi convidada a recoller o Premio ARDÁN á Excelencia Empresarial de Galicia 2019. O evento, organizado polo Consorcio da Zona Franca, celebrouse na Sede AFUNDACIÓN de Vigo o pasado xoves 21 de novembro ás 19.00 horas. Durante o evento fíxose entrega dos recoñecementos a todas as empresas premiadas.

Este premio outórgase ás empresas que conseguiron máis de 4 ou 5 indicadores ARDÁN nun só ano, algo que só conseguiron 20 empresas, entre as que se atopa Rodavigo. Este ano foi especialmente relevante para nós, xa que conseguimos 4 recoñecementos de ARDÁN.

Este premio valora o alto grao de desempeño e excelencia empresarial en varios factores da nosa actividade, o que nos fixo merecedores de varios indicadores ARDÁN. Das 33.000 compañías analizadas, só o 6% obteñen algún indicador ARDÁN e só o 0,07% conseguimos 4 ou máis.