Resumo do Mellor de Rodavigo en 2022

Chegou o momento de facer balance. A escasos días de darlle a benvida a un novo ano, botamos a vista atrás para repasar o que vivimos neste 2022. Como adoita ser habitual, as dificultades presentáronse ao longo do camiño. Pero a pesar de todos os obstáculos que poidan xurdir, traballamos duro para continuar cun obxectivo en mente: o de seguir crecendo e innovando.

E non menos importante é destacar a cantidade de colaboradores que comparten esta filosofía connosco. Grazas a clientes, provedores e fabricantes puidemos seguir avanzando nas funcionalidades da nosa web, nos procesos de xestión interna e na automatización e eficiencia dos trámites comerciais con todos eles.

O noso resumo de logros en 2022

Estas foron nosas novidades en 2022:

Xa se poden localizar máis de 4 millóns de referencias na nosa páxina web. Isto supón un incremento de máis de 500.000 artigos en comparación con 2021.

É posible consultar ata 265 catálogos de fabricantes en PDF no noso portal B2B. Representa un incremento de 51 marcas respecto ao ano anterior.

Pódese realizar o seguimento de envío dos teus pedidos desde a nosa páxina web.

Consolidamos con grandes provedores, fabricantes e clientes os nosos sistemas API, EDI e PunchOut.

Puxemos en marcha un proxecto para mellorar o buscador interno da área de clientes que anunciaremos proximamente.

Máis prezos, stocks, datos técnicos, documentación e imaxes tanto en 2D como en 3D que nunca.

Realizamos con éxito un novo curso de formación especializado nas nosas instalacións, co que se incorporaron 9 talentos novos.

Recollemos o premio á Excelencia Empresarial en Galicia na cerimonia de entrega dos Premios ARDÁN, recoñecemento que lograramos por terceiro ano consecutivo. Este ano sumamos un novo Indicador ARDÁN de Empresa Ben Xestionada.

Concedemos unha entrevista en La Voz de Galicia na que explicamos cales foran as claves da nosa expansión internacional.

Tras tantos anos apoiando o deporte, decidimos aplicarnos o conto e descubrimos que temos un sorprendente talento tamén ao volante dos karts. Con todo, seguimos celebrando os éxitos deportivos e os esforzos do equipo de balonmán feminino da SAR, do Grupo CP en fútbol sala, do CCD Cesantes-Rodavigo en remo e do equipo de fútbol C.D. Choco.

A continuación, deixámosvos un resumo dos catálogos dixitais e catálogos PDF que incorporamos ou actualizado ao longo de 2022: